ഐ ലവ് മുഹമ്മദ്: സ്നേഹവും പരമാധികാരവും
ഉത്തര്പ്രദേശിലെ കാൺപൂരില് നിന്നായിരുന്നു ‘ഐ ലവ് മുഹമ്മദ്’ സൈന്ബോര്ഡിനെതിരേയുള്ള ഹിന്ദുത്വവാദികളുടെ ആക്രമണങ്ങളുടെ തുടക്കം. സെപ്റ്റംബര് നാലിന് നബിദിനത്തില് സയ്യിദ് നഗര് പ്രദേശത്ത് ‘ഞാന് മുഹമ്മദിനെ സ്നേഹിക്കുന്നു’ എന്ന് എഴുതിയ ഒരു സൈന്ബോര്ഡ് തൂക്കിയിരുന്നു. ഇതിനെതിരേ ഹിന്ദുത്വസംഘടനകള് രംഗത്തുവന്നു. തര്ക്കം രൂക്ഷമായതോടെ പൊലിസ് ഇടപെട്ട് സൈന്ബോര്ഡ് മാറ്റിസ്ഥാപിച്ചു. 2025 സെപ്റ്റംബര് ഒൻപതിന് 24 മുസ്്ലിംയുവാക്കള്ക്കെതിരേ സമുദായസൗഹാര്ദം തകര്ക്കാന് ശ്രമിച്ചെന്ന് ആരോപിച്ച് യു.പി പൊലിസ് കേസെടുത്തു. ഹിന്ദുക്കളുടെ പോസ്റ്റര് കീറിയെന്ന പുതിയ ആരോപണവും എഴുതിച്ചേര്ത്തിരുന്നു. പതിവില്ലാത്ത ഇടത്താണ് ബോര്ഡ് സ്ഥാപിച്ചിരിക്കുന്നതെന്നും […]